भोटेकोशी बाढी पीडितको नाममा अनाधिकृत चन्दा संकलन नगर्न सरकारको चेतावनी

रसुवाको भोटेकोशी क्षेत्रका बाढी पीडितको नाममा अनाधिकृत रूपमा रकम संकलन नगर्न प्रधानमन्त्री तथा मन्त्रिपरिषद्को कार्यालयले चेतावनी दिएको छ। राहत र पुनःस्थापनाको बहानामा विभिन्न व्यक्ति तथा समूहले नक्कली क्यूआर कोड र व्यक्तिगत बैंक खाता प्रयोग गरी चन्दा संकलन गरिरहेको गुनासो आएपछि सरकारले यस्तो आग्रह गरेको हो। यस्ता ठगी कार्यमा संलग्न हुनेहरूलाई कानुन बमोजिम कारबाही गरिने चेतावनी दिँदै सरकारले सर्वसाधारणलाई सतर्क रहन भनेको छ। प्रधानमन्त्रीको सचिवालयले आधिकारिक माध्यमबाट मात्र सहयोग गर्न अपिल गरेको छ।