जलविद्युत् आयोजनाको सहयोगमा म्याग्दीको घुमाउने ताल–मौवाफाँट सडक कालोपत्र गरिने

म्याग्दीको रघुगङ्गा गाउँपालिकाको केन्द्र मौवाफाँट जोड्ने घुमाउने ताल–मौवाफाँट सडक खण्ड कालोपत्र गरिने भएको छ। सो क्षेत्रमा सञ्चालित जलविद्युत् आयोजनाहरूको आर्थिक सहयोगमा कालीगण्डकी करिडोरको घुमाउने तालदेखि पिप्ले हुँदै पालिका केन्द्रसम्मको सडक स्तरोन्नति गर्न लागिएको हो। गाउँपालिकाका अध्यक्ष भबबहादुर भण्डारीका अनुसार दुई दशकअघि मार्ग खुलेको यो सडकलाई व्यवस्थित बनाउन लागिएको हो।