मन्त्री सिता बादी र युनिसेफ प्रतिनिधि एलिस अकुङ्गाबीच भेटवार्ता

महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्री सिता बादी र युनिसेफ नेपालकी प्रतिनिधि एलिस अकुङ्गाबीच सोमबार मन्त्रालयमा शिष्टाचार भेटवार्ता भएको छ। भेटमा नेपालमा बालविवाह अन्त्य, बाल अधिकारको संरक्षण र सामाजिक सुरक्षा प्रणालीलाई सुदृढ बनाउने विषयमा छलफल भएको थियो। दुवै पक्षले लैङ्गिक समानता प्रवर्द्धन र समुदायमा आधारित सेवा प्रणालीलाई प्रभावकारी बनाउने प्रतिबद्धता व्यक्त गरेका छन्।