नागढुङ्गा सुरुङमार्ग सञ्चालनसँगै नेपालमा आधुनिक पूर्वाधार विकासको नयाँ अध्याय सुरु

भौतिक पूर्वाधार तथा यातायात मन्त्रालयका सचिव गोपालप्रसाद सिग्देलले नागढुङ्गा सुरुङमार्गको सञ्चालनसँगै नेपालमा आधुनिक पूर्वाधार विकासको नयाँ अध्याय सुरु भएको बताउनुभएको छ। काठमाडौँमा आयोजित उद्घाटन कार्यक्रममा बोल्दै उहाँले कठिन भौगोलिक अवस्थाका बाबजुद राजनीतिक इच्छाशक्ति र प्राविधिक सहकार्यले यस्ता महत्वाकांक्षी आयोजना सफल हुने उल्लेख गर्नुभयो। सिग्देलका अनुसार नागढुङ्गा नेपालको पहिलो सुरुङमार्ग भए पनि यो अन्तिम नहुने र आगामी दिनमा थप परियोजनाहरू अघि बढ्नेछन्।