स्पेनको डढेलोबाट प्राकृतिक सम्पदामा अपूरणीय क्षति भएको राजा फिलीपको भनाइ

स्पेनका राजा फिलीप छैटौँले म्याड्रिड र आसपासका क्षेत्रमा फैलिएको डढेलोले राष्ट्रको प्राकृतिक सम्पदामा अपूरणीय क्षति पुर्‍याएको बताउनुभएको छ। विगत एक सातादेखि लागेको डढेलोका कारण आभिला, टोलेडो र भ्यालेन्सियाको क्यास्टेलोन लगायतका क्षेत्रबाट करिब ७५ हजार बासिन्दालाई सुरक्षित स्थानमा सारिएको छ। अधिकारीहरूले रातभर आगो नियन्त्रणमा लिने प्रयास जारी राखेका छन्। राजा फिलीपले यस प्राकृतिक विनाशलाई मुलुकका लागि अतुलनीय क्षतिको रूपमा चित्रण गर्नुभएको छ।