काठमाडौँमा फोटो पत्रकारका लागि दुईदिने एआई सीप तालिम सुरु

काठमाडौँमा शनिबारदेखि फोटो पत्रकारहरूका लागि दुईदिने 'एआई स्किल फर फोटोजर्नालिस्ट' तालिम सुरु भएको छ। राष्ट्रिय फोटो पत्रकार समूह (एनएफपिजे) द्वारा आयोजित यस कार्यक्रमको उद्देश्य डिजिटल प्रविधिको विकाससँगै फोटो पत्रकारहरूको व्यावसायिक क्षमता अभिवृद्धि गर्नु रहेको छ। साउन ९ र १० गतेसम्म चल्ने यस तालिममा विभिन्न सञ्चारमाध्यममा कार्यरत फोटो पत्रकारहरूको सहभागिता रहेको छ।