एशियन युथ ब्लिट्ज चेसमा पुरुषोत्तम सिलवालले हासिल गरे चौथो स्थान

चीनको शेन्जेनमा सम्पन्न २८औँ एशियन युथ ब्लिट्ज चेसमा नेपाली खेलाडी सिएम पुरुषोत्तम सिलवालले चौथो स्थान हासिल गर्दै ऐतिहासिक सफलता प्राप्त गरेका छन्। एशियाका बलिया युवा खेलाडीहरू सहभागी यस प्रतिस्पर्धामा सिलवालको नतिजा नेपाली बुद्धिचाल इतिहासकै उल्लेखनीय उपलब्धि भएको नेपाल बुद्धिचाल महासंघका अध्यक्ष हेराकाजी महर्जनले बताएका छन्। चाइनिज चेस संघद्वारा आयोजित यो प्रतियोगिता जुलाई २४ मा सम्पन्न भएको थियो।