क्षेत्रीय विद्युत् व्यापारमा निजी क्षेत्रको सहभागिता आवश्यक: मन्त्री श्रेष्ठ

ऊर्जा, जलस्रोत तथा सिँचाइ मन्त्री विराज भक्त श्रेष्ठले नेपालको स्वच्छ र हरित ऊर्जालाई क्षेत्रीय बजारमा प्रतिस्पर्धी बनाउन निजी क्षेत्रको सहभागिता आवश्यक रहेको बताउनुभएको छ। काठमाडौँमा आयोजित एक कार्यक्रममा बोल्दै उहाँले विद्युत् व्यापारमा निजी क्षेत्रलाई सहभागी गराउन विद्यमान कानुनी व्यवस्था पर्याप्त छ वा नयाँ कानुन चाहिन्छ भन्नेबारे सरकारले अध्ययन गरिरहेको जानकारी दिनुभयो। नेपालको ऊर्जालाई क्षेत्रीय स्तरमा विस्तार गर्न निजी क्षेत्रको भूमिका महत्वपूर्ण हुने उहाँको भनाइ छ।