राधिका दासीको उजुरीपछि अभियन्ता बेदिका केसी जोरपाटीबाट पक्राउ

नेपाल प्रहरीको साइबर ब्युरोले बिहीबार जोरपाटीबाट अभियन्ता बेदिका केसीलाई पक्राउ गरेको छ। धार्मिक प्रवचक राधिका दासीले सामाजिक सञ्जालमार्फत भ्रामक सूचना फैलाएको भन्दै दिएको उजुरीका आधारमा उनलाई नियन्त्रणमा लिइएको हो। साइबर ब्युरोका प्रवक्ता दिलीप कुमार गिरीका अनुसार केसीलाई अहिले हिरासतमा राखेर थप अनुसन्धान भइरहेको छ।