सरकारले नै अराजकता र कानुन उल्लंघनको नेतृत्व गरिरहेको छ: केपी शर्मा ओली

नेकपा (एमाले) का अध्यक्ष केपी शर्मा ओलीले वर्तमान सरकारले नै समाजमा अराजकता फैलाउने र कानुनको उल्लंघन गर्ने कार्यको नेतृत्व गरिरहेको आरोप लगाउनुभएको छ। ललितपुरको च्यासलस्थित पार्टी केन्द्रीय कार्यालयमा आयोजित एक कार्यक्रममा बोल्दै उहाँले सरकारको कार्यशैलीप्रति गम्भीर आपत्ति जनाउनुभयो। ओलीले सरकारले विधिको शासनको बर्खिलाप गरिरहेको दाबी समेत गर्नुभयो।