स्थानीय तहलाई कृषि तथा पशुपन्छी कार्यक्रमको प्रगति विवरण बुझाउन सरकारको निर्देशन

सङ्घीय मामिला तथा सामान्य प्रशासन मन्त्रालयले देशभरका सबै स्थानीय तहलाई कृषि तथा पशुपन्छी विकास कार्यक्रमको प्रगति विवरण बुझाउन निर्देशन दिएको छ। सङ्घीय सरकारबाट ससर्त वित्तीय हस्तान्तरणमार्फत सञ्चालित यी कार्यक्रमहरूलाई थप पारदर्शी, प्रभावकारी र प्रतिफलमुखी बनाउन सरकारले यस्तो विवरण माग गरेको हो। मन्त्रालयले सबै गाउँपालिका र नगरपालिकालाई परिपत्र गर्दै चालु आर्थिक वर्षको प्रगति र उपलब्धिहरूको विवरण पठाउन ताकेता गरेको छ।