जनकपुरका अतिक्रमित पोखरी र डिल सात दिनभित्र खाली गर्न सरकारको निर्देशन

जनकपुरधाम उपमहानगरपालिकाभित्र रहेका राजगुठीअन्तर्गतका विभिन्न पोखरी र तिनका डिल क्षेत्रमा गरिएका अतिक्रमण सात दिनभित्र हटाउन सरकारले निर्देशन दिएको छ। गुठी जग्गा संरक्षण र व्यवस्थापनका लागि गठित उच्चस्तरीय कार्यदलको प्रतिवेदन–२०६२ कार्यान्वयन समितिले सार्वजनिक सूचना जारी गर्दै यस्तो निर्देशन दिएको हो। यस निर्णयले विशहरा पोखरी, दशरथ तालाउ, अर्गजा सर, रत्न सागर पोखरी लगायतका ऐतिहासिक जलाशय क्षेत्रमा रहेका अनधिकृत संरचनाहरूलाई समेटेको छ। तोकिएको समयभित्र संरचना नहटाएमा सरकार आफैँले ती संरचनाहरू भत्काउने चेतावनी दिएको छ।