ऐतिहासिक चुरियामाई सुरुङको व्यवस्थापन र सञ्चालनको जिम्मेवारी समितिमा हस्तान्तरण

हेटौँडा उपमहानगरपालिकाले दक्षिण एसियाकै पहिलो ऐतिहासिक चुरियामाई सुरुङको संरक्षण, सञ्चालन तथा व्यवस्थापनको जिम्मेवारी स्थानीय समितिलाई हस्तान्तरण गरेको छ। उपमहानगर प्रमुख मीनाकुमारी लामा र समितिका अध्यक्ष प्रेमबहादुर भोम्जनबीच बुधबार यससम्बन्धी सम्झौतामा हस्ताक्षर भएको हो। हेटौँडा-१५ मा अवस्थित यो सुरुङको ऐतिहासिक महत्वलाई जोगाउँदै पर्यटन प्रवर्द्धन गर्ने उद्देश्यले यो कदम चालिएको हो।