एआई फर गुड ग्लोबल समिटमा सहभागी हुने विद्यार्थीद्वारा सञ्चारमन्त्रीसँग भेट

स्वीट्जरल्याण्डमा आयोजना हुने 'एआई फर गुड ग्लोबल समिट २०२६' मा सहभागी हुन लागेका नेपाली विद्यार्थीहरूको टोलीले सूचना तथा सञ्चारमन्त्री डा. विक्रम तिमिल्सिनासँग भेटघाट गरेको छ। अन्तर्राष्ट्रिय दूरसञ्चार संघ (आइटियु) द्वारा जुलाई ७ देखि १० सम्म आयोजना हुने उक्त सम्मेलनमा विद्यार्थीहरूले 'रोबोटिक्स फर गुड युथ च्यालेन्ज' मा प्रतिस्पर्धा गर्नेछन्। काठमाडौंमा भएको उक्त भेटमा मन्त्री तिमिल्सिनाले विद्यार्थीहरूलाई सफलताको शुभकामना दिँदै प्रोत्साहन प्रदान गर्नुभयो।