काठमाडौं विश्वविद्यालयको दीक्षान्त समारोहमा शिक्षामन्त्री पोखरेलद्वारा गुणस्तरीय शिक्षामा जोड

शिक्षा तथा खेलकुद मन्त्री सस्मित पोखरेलले सरकार नेपालभित्रै गुणस्तरीय शिक्षा प्रदान गर्न प्रतिबद्ध रहेको बताउनुभएको छ। काभ्रेपलाञ्चोकको धुलिखेलमा आयोजित काठमाडौं विश्वविद्यालयको ३१ औं दीक्षान्त समारोहलाई सम्बोधन गर्दै मन्त्रीले राष्ट्र निर्माणमा शिक्षित युवाको भूमिका महत्त्वपूर्ण हुने उल्लेख गर्नुभयो। उहाँले स्नातक विद्यार्थीहरूलाई विदेश पलायन हुनुको सट्टा देशको विकासमा सक्रिय रूपमा योगदान पुर्‍याउन आग्रह गर्नुभयो।