धान रोपाइँको समयमा हराउँदै मौलिक असारे भाकाको रौनक

नेपालभर धान रोपाइँको चटारो बढ्दै जाँदा खेतबारीमा गुञ्जिने परम्परागत असारे भाकाहरू क्रमिक रूपमा हराउँदै गएका छन्। पाल्पाको तिनाउ गाउँपालिका लगायतका क्षेत्रका किसानहरूका अनुसार नयाँ पुस्तामा यस्ता सांस्कृतिक गीतहरूप्रति आकर्षण घट्दा रोपाइँको मौलिक रौनक हराएको हो। माना रोपेर मुरी उब्जाउने यो समयमा पहिले जस्तो सामूहिक गायन र असारे गीतको उत्साह अहिले कमै देख्न पाइन्छ।