नेपाल र दक्षिण कोरियाबीच एआईमा आधारित पर्यटन सुरक्षासम्बन्धी समझदारी

नेपालको पदयात्रा र पर्वतीय पर्यटनलाई थप सुरक्षित र व्यवस्थित बनाउन ट्रेकिङ एजेन्सिज् एशोसिएशन अफ नेपाल (टान) र दक्षिण कोरियाको आइबिएल कम्पनी लिमिटेडबीच समझदारी भएको छ। यस सम्झौताअनुसार कृत्रिम बुद्धिमत्ता (एआई) मा आधारित 'एजट्रेक डिजिटल सेफ्टी सिस्टम' प्रयोग गरी पदयात्रीहरूको ट्रयाकिङ र मूल्याङ्कन गरिनेछ। यो प्रविधिले पदयात्राका क्रममा हुनसक्ने जोखिम न्यूनीकरण गर्न र पर्यटन क्षेत्रलाई थप पूर्वानुमान योग्य बनाउन सहयोग पुऱ्याउने अपेक्षा गरिएको छ।