औषधि अभाव रोक्न विभागले न्यूनतम मौज्दातको व्यवस्था लागू गर्दै

बजारमा पटक-पटक देखिने औषधिको अभावलाई सम्बोधन गर्न औषधि व्यवस्था विभागले न्यूनतम मौज्दात (मिनिमम स्टक) राख्ने व्यवस्था लागू गर्ने तयारी गरेको छ। विभागकी निमित्त महानिर्देशक शिवानी खड्गीका अनुसार विशेषगरी क्यान्सर, दुर्लभ रोग र जीवनरक्षक औषधिको अभाव हुन नदिन यो योजना अघि बढाइएको हो। उत्पादन, आयात र मूल्य निर्धारणका कारण हुने समस्या समाधान गरी औषधिको सहज आपूर्ति सुनिश्चित गर्ने विभागको लक्ष्य छ।