पोखरामा नेपाली कफीको राष्ट्रिय प्रदर्शनी तथा कपिङ च्याम्पियनसिप आयोजना हुने

राष्ट्रिय चिया तथा कफी विकास बोर्डको आयोजनामा आगामी असार २० गते पोखरामा ‘नेपाली कफीको राष्ट्रिय प्रदर्शनी एवं राष्ट्रिय कपिङ च्याम्पियनसिप’ हुने भएको छ। पोखराको डुम्रीबोटस्थित बोर्डको प्राङ्गणमा आयोजना हुने यस कार्यक्रमको मूल नारा ‘चिनौँ, चाखौँ, अपनाऔँ, प्रवर्द्धन गरौँ’ तय गरिएको छ। नेपाली कफीको आन्तरिक खपत र प्रवर्द्धन बढाउने उद्देश्यले आयोजना हुन लागेको यस कार्यक्रममा कफीको स्वाद परीक्षण र प्रदर्शनी गरिनेछ।