मौद्रिक नीतिले संरचनात्मक सुधारमा जोड दिनुपर्ने बैंकिङ विज्ञ भट्टराईको सुझाव

बैंकिङ विज्ञ अनलराज भट्टराईले आगामी मौद्रिक नीतिले ब्याजदर परिवर्तन गर्नुभन्दा संरचनात्मक सुधारमा जोड दिनुपर्ने बताएका छन्। आर्थिक पत्रकार समाज (सेजन) द्वारा आयोजित कार्यक्रममा बोल्दै उनले बैंकिङ प्रणालीमा पर्याप्त तरलता र न्यून ब्याजदर हुँदा पनि निजी क्षेत्रबाट कर्जाको माग नबढ्नु मुख्य चुनौती रहेको उल्लेख गरे। उनले अर्थतन्त्रका विद्यमान समस्या समाधानका लागि मौद्रिक नीति थप लचिलो हुनुपर्ने सुझाव दिएका छन्।