नतिजामुखी लेखा परीक्षणको विकास आजको आवश्यकता: सभामुख डोलप्रसाद अर्याल

सभामुख डोलप्रसाद अर्यालले जोखिममा आधारित, प्रविधिमैत्री र नतिजामुखी लेखा परीक्षण प्रणालीको विकासमा जोड दिनुभएको छ। काठमाडौंमा आयोजित महालेखा परीक्षकको कार्यालयको ६८औं स्थापना दिवसको अवसरमा बोल्दै उहाँले सार्वजनिक वित्त व्यवस्थापन र सूचना प्रविधिको विकाससँगै लेखा परीक्षण पद्धतिलाई पनि परिमार्जन गर्नुपर्ने बताउनुभयो। नागरिकका अपेक्षाहरू पूरा गर्न र आधुनिक चुनौतीहरूको सामना गर्न यो प्रणाली समयानुकूल हुनुपर्ने उहाँको भनाइ थियो।