तिनाउ नदीको बाढीमा फसेका युवकको सकुशल उद्धार

रुपन्देहीको तिनाउ नदीमा आएको बाढीमा फसेका ३१ वर्षीय गोरखबहादुर विकको नेपाल प्रहरी र सशस्त्र प्रहरी बलको संयुक्त टोलीले सकुशल उद्धार गरेको छ। बुटवल-१७ रानीगन्ज बस्ने विक आइतबार तिलोत्तमा नगरपालिका-४ डिङ्गारनगरस्थित नदी किनारमा दाउरा सङ्कलन गर्ने क्रममा बाढीमा फसेका थिए। सुरक्षाकर्मीको टोलीले उनलाई सुरक्षित स्थानमा ल्याउन सफल भएको जिल्ला प्रहरी कार्यालय रुपन्देहीले जनाएको छ।