सवारी साधनको कालो सिसा हटाउने विषयमा नाडा र ट्राफिक प्रहरीबीच छलफल

नाडा अटोमोबाइल्स एशोसिएशन अफ नेपालका अध्यक्ष सुरेन्द्रकुमार उप्रेतीको नेतृत्वमा रहेको एक प्रतिनिधिमण्डलले आइतबार काठमाडौँ उपत्यका ट्राफिक प्रहरी कार्यालयका प्रमुख सुरेशप्रसाद काफ्लेसँग भेट गरेको छ। उक्त भेटमा सवारी साधनमा प्रयोग भइरहेको कालो सिसा हटाउने विषयमा विस्तृत छलफल भएको थियो। ट्राफिक प्रहरीले सुरक्षा संवेदनशीलतालाई ध्यानमा राख्दै कालो सिसा हटाउने अभियानलाई प्रभावकारी बनाउन नाडासँग सहयोगको अपेक्षा गरेको छ।