झापाको बाहुनडाँगीमा जङ्गली हात्तीको आतङ्क, स्थानीय बासिन्दा त्रसित

झापाको मेचीनगर–४, बाहुनडाँगीमा भारतबाट छावासहित आएका ४० देखि ५० वटा जङ्गली हात्तीको बथानले आतङ्क सिर्जना गरेको छ। दिनभर स्थानीय चियाबारी र गाउँमै अखडा जमाएर बस्ने हात्तीका कारण स्थानीय बासिन्दा ज्यान र धन जोगाउने चिन्तामा छन्। असारको मध्यमा रोपाइँमा व्यस्त हुनुपर्ने किसानहरू यतिबेला हात्तीको त्रासका कारण खेतमा जान समेत डराइरहेका छन्। हात्तीको बथान कहिले भारततर्फ फर्कने त कहिले गाउँमै बस्ने गरेकाले यस क्षेत्रमा उच्च सतर्कता अपनाइएको छ।