गोकर्णेश्वरको सामुदायिक वनमा सिमेन्टका संरचना बनाउन स्थानीयद्वारा रोक

गोकर्णेश्वर नगरपालिका–४ स्थित यज्ञडोल (जगडोल) सामुदायिक वन क्षेत्रमा सिमेन्टका संरचना निर्माण नगर्न स्थानीयले आग्रह गरेका छन्। प्रदेश सरकारका विभिन्न निकायले आर्थिक वर्षको अन्त्यमा राष्ट्रिय शहीद तथा शान्ति पार्क र निजामती स्मारक क्षेत्रमा धमाधम पक्की संरचना बनाउन थालेपछि स्थानीयले विरोध जनाएका हुन्। वन क्षेत्रको प्राकृतिक स्वरूप बिग्रने भन्दै उनीहरूले यस्ता निर्माण कार्य तत्काल रोक्न माग गरेका छन्।