दर्ता नवीकरण नगरी सञ्चालन गरिएको भरतपुर मेट्रो क्लिनिक प्रशासनद्वारा बन्द

चितवनको भरतपुर महानगरपालिका–१० मा दर्ता नवीकरण नगरी सञ्चालन भइरहेको भरतपुर मेट्रो क्लिनिकलाई प्रशासनले बन्द गराएको छ। स्वास्थ्य कार्यालय चितवन र भरतपुर महानगरपालिकाको स्वास्थ्य शाखाको संयुक्त टोलीले शुक्रबार गरेको अनुगमनका क्रममा प्रक्रियागत अनियमितता भेटिएपछि क्लिनिक बन्द गरिएको हो। प्रमुख जिल्ला अधिकारी गणेश अर्यालको नेतृत्वमा भएको सो अनुगमनले क्लिनिकको सञ्चालन प्रक्रियामा त्रुटि फेला पारेको थियो। यो क्लिनिक नेशनल बाथरोग सेन्टरको नामबाट समेत सञ्चालनमा रहेको पाइएको छ।