बालकल्याण माध्यमिक विद्यालयमा हुवावे स्मार्ट कक्षा हस्तान्तरण

लमजुङको बेँसीसहर नगरपालिका–२ स्थित बालकल्याण माध्यमिक विद्यालयमा आधुनिक प्रविधियुक्त स्मार्ट कक्षा हस्तान्तरण गरिएको छ। हुवावे नेपाल, नेपालस्थित चिनियाँ दूतावास, सञ्चार तथा सूचना प्रविधि मन्त्रालय र नेपाल टेलिकमको सहकार्यमा यो परियोजना सम्पन्न भएको हो। विद्यालयमा डिजिटल बोर्ड र कम्प्युटर जस्ता उपकरणहरू जडान गरी विद्यार्थीहरूका लागि डिजिटल शिक्षाको सुरुवात गरिएको छ। यस पहलले ग्रामीण क्षेत्रका विद्यार्थीहरूलाई आधुनिक प्रविधिमार्फत सिक्ने अवसर प्रदान गर्ने लक्ष्य राखेको छ।