मधेस प्रदेशका १६ प्रतिशत बालबालिकामा कुपोषणको समस्या

मधेस प्रदेशका १३३ स्थानीय तहमा गरिएको स्वास्थ्य परीक्षणका क्रममा १६ प्रतिशत बालबालिकामा कुपोषणको समस्या देखिएको छ। स्वास्थ्य निर्देशनालय, मधेस प्रदेशले २ लाख ८३ हजार ३०८ बालबालिकाको स्वास्थ्य अवस्था मूल्याङ्कन गर्दा यो तथ्याङ्क बाहिर आएको हो। मिथिला नगरपालिकाका स्वास्थ्य शाखा प्रमुख अशोक भण्डारीका अनुसार सो नगरपालिकामा मात्रै २७५ जना बालबालिकामा शीघ्र कुपोषण भेटिएको छ। यो अभियानले प्रदेशमा बाल कुपोषणको अवस्था गम्भीर रहेको देखाएको छ।

Summary by Jayaman