पूर्वराजा ज्ञानेन्द्र शाहले दशैंको शुभकामना दिँदै राष्ट्रिय एकताको आह्वान गरे

पूर्वराजा ज्ञानेन्द्र शाहले शुक्रबार काठमाडौंको निर्मल निवासबाट विजया दशमीको शुभकामना सन्देश जारी गर्दै स्वदेश तथा विदेशमा रहेका सम्पूर्ण नेपालीमा शुभकामना व्यक्त गरेका छन्। सन्देशमा उनले राष्ट्रिय एकता, आत्मनिर्भरता र राष्ट्रिय गौरवलाई बलियो बनाउनुपर्ने आवश्यकतामा जोड दिँदै विपद् र अस्थिरताप्रति चिन्ता व्यक्त गरेका छन्। साथै क्षति पुगेका पूर्वाधारको पुनर्निर्माण र प्राकृतिक विपद्बाट प्रभावित नागरिकको तत्काल पुनर्स्थापनालाई प्राथमिकता दिनुपर्ने उनको भनाइ छ।