अमेरिकी अर्थ मन्त्रालयद्वारा बैंक अफ अमेरिकालाई १ अर्ब २० करोड डलर जरिवाना

अमेरिकी अर्थ मन्त्रालयले देशको दोस्रो ठूलो बैंक बैंक अफ अमेरिकामाथि शंकास्पद कारोबारको प्रतिवेदन नबुझाएको तथा सम्पत्ति शुद्धीकरणविरुद्धको आन्तरिक नियन्त्रण प्रणाली कमजोर रहेको भन्दै १ अर्ब २० करोड अमेरिकी डलरभन्दा बढी जरिवाना तोकेको छ। फाइनान्सियल क्राइम्स इन्फोर्समेन्ट नेटवर्क (फिन्सेन) ले १ अर्ब २० करोड डलर जरिवाना गरेको छ भने अफिस अफ द कम्प्ट्रोलर अफ द करेन्सीले थप १० लाख डलर जरिवाना गरेको छ। बीबीसीका अनुसार अमेरिकी अर्थ मन्त्रालयले मङ्गलबार यसबारे औपचारिक जानकारी दिँदै बैंकले ५ अर्ब डलरभन्दा बढीका शंकास्पद कारोबार समयमै प्रतिवेदन नगरेको उल्लेख गरेको छ। यो कारबाही सम्भावित मनी लाउन्डरिङ तथा अन्य गैरकानुनी गतिविधि पहिचान गर्न नसकेको विषयसँग सम्बन्धित छ।