परराष्ट्रमन्त्री खनाल फिजी र टुभालु भ्रमण सकेर स्वदेश फिर्ता

परराष्ट्रमन्त्री शिशिर खनाल फिजी र टुभालुमा आयोजित जलवायु परिवर्तनसम्बन्धी उच्चस्तरीय ‘प्रि–कोप लिडर्स इभेन्ट’मा सहभागी भई शनिबार स्वदेश फर्किएका छन् । भ्रमणका क्रममा उनले अस्ट्रेलियामा औपचारिक भेटवार्ता पनि गरेका थिए । जलवायु न्याय तथा ‘सगरमाथादेखि समुद्रसम्म’को एजेन्डा अन्तरराष्ट्रियकरणमा उपलब्धि हासिल भएको मन्त्रालयले जनाएको छ । आगामी नोभेम्बरमा टर्कीको अन्टाल्यामा हुने कोप–३१ सम्मेलनअघि यो भ्रमण महत्त्वपूर्ण मानिएको छ ।