मुस्ताङको लोमान्थाङमा भूकम्पले घरहरूमा क्षति

उपल्लो मुस्ताङको लोमान्थाङ केन्द्रविन्दु भएर गएको ५.३ म्याग्निच्युडको भूकम्पले कम्तीमा दुईवटा संरचनामा क्षति पुर्याएको छ। प्रहरी नायब उपरीक्षक रामचन्द्र तिवारीका अनुसार लोमान्थाङ-३ स्थित फुवा गाउँमा ढुङ्गा र माटोले बनेको एउटा घरको छाना र पर्खाल भत्किएको छ। मुस्ताङमा २४ घण्टाभित्र सात पटक भूकम्पको धक्का महसुस गरिएको स्थानीयले बताएका छन्। क्षतिग्रस्त घर खाली रहेकाले मानवीय क्षति भने हुन नपाएको प्रहरीले जनाएको छ।