प्रधानमन्त्री दैवी प्रकोप उद्धार कोषमा ग्लोबल आइएमई बैंकको ५ करोड सहयोग

ग्लोबल आइएमई बैंकले प्रधानमन्त्री दैवी प्रकोप उद्धार कोषमा ५ करोड रुपैयाँ सहयोग गर्ने घोषणा गरेको छ। देशका विभिन्न भागमा आएको बाढी र पहिरोबाट प्रभावित भएकाहरूलाई राहत र पुनर्निर्माणमा सहयोग पुर्‍याउने उद्देश्यले बैंकले यो रकम प्रदान गर्ने निर्णय गरेको हो। बैंकले आफ्नो संस्थागत सामाजिक उत्तरदायित्व अन्तर्गत विपद्को समयमा सरकारलाई साथ दिन यो सहयोग गरेको जनाएको छ।