एक लाख घुस लिएको आरोपमा म्यागङका सूचना प्रविधि अधिकृतविरुद्ध मुद्दा दायर

अख्तियार दुरुपयोग अनुसन्धान आयोगले नुवाकोटको म्यागङ गाउँपालिकाका सूचना प्रविधि अधिकृत विरेन्द्र तामाङविरुद्ध भ्रष्टाचार मुद्दा दायर गरेको छ। सोलार स्ट्रिट लाइट खरिद तथा जडान कार्यमा सहजीकरण गरिदिए बापत सेवाग्राहीबाट एक लाख रुपैयाँ घुस लिएको आरोपमा उनीमाथि मुद्दा चलाइएको हो। आयोगले तामाङलाई घुस रकमसहित नियन्त्रणमा लिएर अनुसन्धान गरेपछि विशेष अदालतमा मुद्दा दर्ता गरेको हो।