चिनियाँ प्रधानमन्त्री ली छ्याङद्वारा नेपाल सीमा नजिकैको बाढी प्रभावित केरुङ क्षेत्रको निरीक्षण

चिनियाँ प्रधानमन्त्री ली छ्याङले बिहीबार चीनको तिब्बत स्वायत्त क्षेत्र अन्तर्गत नेपालको सीमा नजिकै रहेको केरुङ (ग्याइरोङ) क्षेत्रको निरीक्षण गर्नुभएको छ। बुधबार आएको बाढी र पहिरोका कारण भएको क्षति र उद्धार कार्यको प्रभावकारिता बुझ्न उहाँ त्यहाँ पुग्नुभएको हो। नेपालस्थित चिनियाँ दूतावासका अनुसार प्रधानमन्त्री लीले प्रभावित क्षेत्रमा भइरहेका राहत कार्यको अनुगमन गर्नुभएको थियो। यसअघि उपप्रधानमन्त्रीले पनि सो क्षेत्रको भ्रमण गरी स्थितिको जानकारी लिनुभएको थियो।