सामुदायिक रेडियोको भूमिका विश्वस्तरमै अनुकरणीय रहेको राष्ट्रपति पौडेलको भनाइ

राष्ट्रपति रामचन्द्र पौडेलले सामाजिक सद्भाव, राष्ट्रिय एकता र समावेशी लोकतन्त्रको प्रवद्र्धनमा सामुदायिक रेडियोले खेलेको भूमिका विश्वस्तरमै अध्ययन र अनुकरणको विषय बनेको बताउनुभएको छ। काठमाडौंमा आयोजित एक कार्यक्रममा बोल्दै उहाँले नेपालका सामुदायिक रेडियोहरूले मेलमिलाप र समावेशीकरणका लागि उदाहरणीय कार्य गरेको उल्लेख गर्नुभयो। राष्ट्रपति पौडेलले एसिया प्रशान्त क्षेत्र र विश्वभरका लागि नेपाली सामुदायिक प्रसारणको प्रभाव एक नमुना भएको धारणा व्यक्त गर्नुभयो।