भोटेकोशी, त्रिशूली र नारायणी नदी तटीय क्षेत्रमा उच्च सतर्कता अपनाउन आग्रह

राष्ट्रिय विपद् जोखिम न्यूनीकरण तथा व्यवस्थापन प्राधिकरणले भोटेकोशी, त्रिशूली र नारायणी नदीमा बाढीको जोखिम बढेको भन्दै तटीय क्षेत्रका बासिन्दालाई उच्च सतर्कता अपनाउन आग्रह गरेको छ। नदीको जलस्तर बढेसँगै जोखिम कायमै रहेकाले सुरक्षित स्थानमा बस्न र नदी किनारबाट टाढा रहन स्थानीयलाई सूचित गरिएको छ। सम्भावित दुर्घटनाबाट बच्न प्राधिकरणले विशेष सावधानी अपनाउन जोड दिएको छ।