लमजुङमा पहिरोले घर पुरिँदा बाबु र छोरीको मृत्यु

लमजुङको मध्यनेपाल नगरपालिका-७, भदौरेस्थित भाटबेसीका ५९ वर्षीय टीक बहादुर बीके र उनकी कान्छी छोरी विनिता बीकेको पहिरोमा पुरिएर मृत्यु भएको छ। मंगलबार बिहान दुईतले कच्ची घरमा पहिरो खस्दा उनीहरूको घटनास्थलमै ज्यान गएको इलाका प्रहरी कार्यालय भोरलेटारले जनाएको छ। सोही घटनामा परी परिवारका अन्य दुई सदस्य सुकमाया र अस्मिता घाइते भएका छन्।