काठमाडौँमा अव्यवस्थित तार हटाउने कार्यको दुई मन्त्रीद्वारा संयुक्त अनुगमन

ऊर्जा, जलस्रोत तथा सिँचाइमन्त्री विराजभक्त श्रेष्ठ र सूचना तथा सञ्चारमन्त्री डा. विक्रम तिमिल्सिनाले काठमाडौँ उपत्यकामा अव्यवस्थित तार हटाउने कार्यको संयुक्त अनुगमन गर्नुभएको छ। मन्त्रीद्वयले गौशाला लगायतका क्षेत्रमा सडकका पोलमा रहेका प्रयोगविहीन इन्टरनेट, टेलिफोन र टेलिभिजनका तार व्यवस्थापनको प्रगतिको निरीक्षण गर्नुभयो। तोकिएको समयसीमाभित्र काम सम्पन्न नगर्ने सेवा प्रदायकहरूलाई कारबाही गरिने चेतावनी समेत उहाँहरूले दिनुभएको छ।