अविरल वर्षापछि लाल बकैया नदीमा बाढीको जोखिम, सतर्क रहन चेतावनी

मकवानपुर जिल्लाको जुरेली बजार आसपासको क्षेत्रमा भएको अविरल वर्षाका कारण जल तथा मौसम विज्ञान विभागले लाल बकैया नदीमा बाढीको जोखिम रहेको चेतावनी दिएको छ। विभागले एक सूचना जारी गर्दै नदी तटीय क्षेत्र र डुबान भइरहने होचा स्थानका बासिन्दालाई बिहानसम्म उच्च सतर्कता अपनाउन आग्रह गरेको छ। वर्षा जारी रहेकाले नदीको जलस्तर बढ्न सक्ने भन्दै विभागले पूर्वसावधानी अपनाउन सचेत गराएको हो।