एभरेस्ट इन्टरनेसनल फिल्म फेस्टिभलका विजेताहरू काठमाडौँमा सम्मानित

चीनमा आयोजना गरिएको एभरेस्ट इन्टरनेसनल फिल्म फेस्टिभलका विजेताहरूलाई मङ्गलबार काठमाडौँमा आयोजित एक विशेष समारोहमा सम्मान गरिएको छ। नेपाली चलचित्रलाई अन्तर्राष्ट्रिय स्तरमा प्रवर्द्धन गर्न योगदान पुर्‍याउने छ वटा चलचित्रलाई सो अवसरमा पुरस्कृत गरियो। कार्यक्रममा नेपाल र चीनबीचको चलचित्र सहकार्यलाई सुदृढ बनाउन भूमिका खेल्ने व्यक्तित्वहरूलाई पनि सम्मान गरिएको थियो।