ताप्लेजुङ र मुगुमा १८६ करोडभन्दा बढी बजेट फ्रिज

गत आर्थिक वर्ष २०८२/८३ मा ताप्लेजुङ र मुगु जिल्लामा विनियोजित बजेटमध्ये १८६ करोड रुपैयाँभन्दा बढी रकम खर्च हुन नसकी फ्रिज भएको छ। कोष तथा लेखा नियन्त्रक कार्यालयका अनुसार ताप्लेजुङमा संघीय र प्रदेश सरकारको गरी ८६ करोड ५० लाख रुपैयाँभन्दा बढी बजेट फिर्ता भएको छ। यस्तै, मुगु जिल्लामा पनि ९९ करोड ७४ लाख रुपैयाँभन्दा बढी बजेट खर्च हुन नसकेको तथ्याङ्कले देखाएको छ। दुवै जिल्लामा पुँजीगत र चालु तर्फको ठूलो रकम फ्रिज हुँदा विकास निर्माणका काममा असर पुगेको छ।