एआईमा एक देशको मात्र प्रभुत्व हुन नहुने चिनियाँ राष्ट्रपति सीको भनाइ

चिनियाँ राष्ट्रपति सी जिनफिङले साङ्घाईमा आयोजित एक कार्यक्रममा कृत्रिम बौद्धिकता (एआई) मा कुनै एक देशको मात्र नियन्त्रण वा प्रभुत्व हुन नहुने बताउनुभएको छ। उहाँले एआईको विकास सुरक्षित, समावेशी र दिगो हुनुपर्नेमा जोड दिनुभयो। प्रविधिको विकासबाट सबै राष्ट्रले लाभ लिन सक्ने वातावरण बनाउन अन्तर्राष्ट्रिय सहयोग आवश्यक रहेको उहाँको भनाइ छ।