डा गोविन्द केसीद्वारा साउन ६ गतेदेखि पुनः सत्याग्रह सुरु गर्ने चेतावनी

वरिष्ठ हाडजोर्नी विशेषज्ञ तथा चिकित्सा शिक्षा सुधारका अभियन्ता डा गोविन्द केसीले आफ्ना तीन बुँदे मागहरू साउन ६ गते (जुलाई २१) सम्म पूरा नभए पुनः अनसन बस्ने चेतावनी दिनुभएको छ। शुक्रबार काठमाडौंमा एक प्रेस विज्ञप्ति जारी गर्दै डा केसीले सरकार निजी मेडिकल माफिया र स्वार्थ समूहको प्रभावमा परेको आरोप लगाउनुभएको छ। उहाँले चिकित्सा शिक्षा र स्वास्थ्य क्षेत्रमा सुधारका लागि यसअघि स्थगित गरिएको सत्याग्रहलाई पुनः सुरु गर्ने बताउनुभएको हो।