रेडियो कलर जडान गरेपछि जङ्गली हात्ती ध्रुवेलाई जङ्गलमा छाडियो

जङ्गली हात्ती ध्रुवेलाई स्याटेलाइट रेडियो कलर जडान गरेपछि पुनः जङ्गलमा छाडिएको छ। बाक्लो झाडी र प्रतिकूल मौसमका कारण १० दिनको प्रयासपछि निकुञ्जका अधिकारीहरूले हात्तीलाई नियन्त्रणमा लिन सफल भएका थिए। रेडियो कलरको सहयोगले अब हात्तीको गतिविधि निगरानी गर्न र मानव-वन्यजन्तु द्वन्द्व न्यूनीकरण गर्न सहज हुने विश्वास गरिएको छ।