मन्त्रालयद्वारा ६० दिनदेखि अनुपस्थित २३ स्वास्थ्यकर्मीसँग स्पष्टीकरण माग

स्वास्थ्य तथा जनसंख्या मन्त्रालयले ६० दिनभन्दा बढी समयदेखि कार्यालयमा अनुपस्थित रहेका २३ जना स्वास्थ्यकर्मीसँग स्पष्टीकरण सोधेको छ। मन्त्रालयले बिहीबार एक सूचना जारी गर्दै १५ दिनभित्र चित्तबुझ्दो स्पष्टीकरण पेस गर्न निर्देशन दिएको हो। तोकिएको समयसीमाभित्र जवाफ नआएमा वा स्पष्टीकरण सन्तोषजनक नभएमा उनीहरूलाई सेवाबाट हटाउने लगायतका विभागीय कारबाही प्रक्रिया अगाडि बढाइने मन्त्रालयले जनाएको छ।