फ्रान्सेली राजदूत भर्जिनि कोर्तेभालद्वारा परराष्ट्रमन्त्री र सचिवसँग बिदाइ भेट

नेपालका लागि फ्रान्सेली राजदूत भर्जिनि कोर्तेभालले बिहीबार परराष्ट्रमन्त्री शिशिर खनाल र परराष्ट्र सचिव अमृत बहादुर राईसँग बिदाइ भेट गर्नुभएको छ। परराष्ट्र मन्त्रालयमा भएको उक्त भेटमा अधिकारीहरूले नेपाल र फ्रान्सबीचको द्विपक्षीय सम्बन्ध सुदृढ गर्न राजदूत कोर्तेभालले पुर्‍याउनुभएको योगदानको प्रशंसा गरे। भेटका क्रममा हिमालयन कूटनीति, जलवायु परिवर्तन र जनस्तरको सम्बन्ध लगायतका विषयमा छलफल भएको थियो। राजदूत कोर्तेभाल आफ्नो कूटनीतिक कार्यकाल पूरा गरी स्वदेश फर्कन लाग्नुभएको हो।