रास्वपा महाधिवेशनमा प्रयोग भएको ई-भोटिङ मेसिनबारे राम लक्ष्मणको स्पष्टीकरण

चितवनमा सम्पन्न राष्ट्रिय स्वतन्त्र पार्टी (रास्वपा) को पहिलो राष्ट्रिय महाधिवेशनमा प्रयोग गरिएको विद्युतीय मतदान उपकरणका सम्बन्धमा प्रविधि विकासकर्ता राम लक्ष्मणले पाँच बुँदे स्पष्टीकरण दिएका छन्। मतदान प्रक्रियामा उठेका प्रश्नहरूको जवाफ दिँदै उनीहरूले मेसिनको प्रयोग निर्वाचन आयोगको निर्णय र निर्देशनअनुसार नै गरिएको बताएका छन्। उनीहरूका अनुसार देखिएका समस्याहरू प्राविधिक त्रुटी नभई व्यवस्थापकीय र प्रक्रियागत निर्णयका कारण उत्पन्न भएका हुन्। रास्वपाको महाधिवेशन असार ७ देखि १२ गतेसम्म चितवनमा सञ्चालन भएको थियो।