गुल्मीमा जंगली जनावरका लागि थापिएको विद्युतीय पासोमा परेर एक महिलाको मृत्यु

गुल्मीको धुर्कोट गाउँपालिका-५, मान्तारीमा जंगली जनावर धपाउन थापिएको विद्युतीय पासोमा परेर ६० वर्षीया हुमकला भण्डारीको मृत्यु भएको छ। आफ्नै श्रीमानले बँदेल लगायतका जंगली जनावरबाट बाली जोगाउन थापेको करेन्टको पासोमा उनी झुक्किएर परेकी थिइन्। जिल्ला प्रहरी कार्यालय गुल्मीका प्रहरी उपरीक्षक भीमकिरण बोगटीका अनुसार घटनाबारे थप अनुसन्धान भइरहेको छ।