विदेशी मुलुकको डीभी लिएर सम्पर्कविहीन भएका चार कर्मचारीसँग मन्त्रालयले माग्यो स्पष्टीकरण

सङ्घीय मामिला तथा सामान्य प्रशासन मन्त्रालयले विदेशी मुलुकको डीभी (डिभरसिटी भिसा) लिएर सम्पर्कविहीन भएका चार कर्मचारीसँग स्पष्टीकरण माग गरेको छ। लामो समयदेखि कार्यालयमा अनुपस्थित भई विदेशमा बसोबास गरिरहेका ती कर्मचारीहरूलाई आफ्नो अवस्थाबारे जानकारी गराउन मन्त्रालयले निर्देशन दिएको हो। तोकिएको समयभित्र चित्तबुझ्दो जवाफ नआएमा उनीहरूलाई निजामती सेवा ऐन बमोजिम कारबाही प्रक्रिया अगाडि बढाइने मन्त्रालयले जनाएको छ।